अछाम । जिल्लाको पञ्चदेवल बिनायक नगरपालिकामा केन्द्रिय बिद्युतको प्रसारण लाईन बिस्तार भएको छ । नगरमा पहिलो पटक वडा नं. १ मा केन्द्रिय प्रसारण लाईन जडान भएसंगै यसको बिस्तार भएको हो ।

बिहिबार एक कार्यक्रमका बिच नगर प्रमुख अम्बिका चलाउनेले प्रसारण लाईनको उद्घाटन गरिन् । उनले वडा नं. १ मा बत्ति बालेर प्रसारण लाईनको उद्घाटन गरिन् । नगर प्रमुख चलाउनेले नगरको प्रथामिक्तामा शिक्षा, स्वास्थ्य र बिद्युत रहेको भन्दै उज्यालो नगर बनाउने लक्ष्यका साथ काम अघि बढाएको बताई्न ।

अब लगत्तै वडा नं. २ र ३ मा पनि बिद्युत विस्तार गरिने र ३ बर्ष भित्र नगरभरीमा केन्द्रिय बिद्युत लाईन बिस्तार गरिने लक्ष्य रहेको नगर प्रमुख चलाउनले बताईन् । कार्यक्रममा नगर उपप्रमुख हर्क बहादुर रावल, प्रमुख प्रशासकीय अधिकृत शिब प्रसाद रेग्मी, वडा नं. १ का अध्यक्ष दुर्गा तिमिल्सैना, कांग्रेस जिल्ला सदस्य महिला नेतृ राधा आचार्य ढकाल लगायतको सहभागिता रहेको थियो ।