गीता कुँवर, अछाम।

जिल्लामा हालसम्म कोरोना निको हुनेको सख्या ४५ रहेको छ । मेल्लेख गाउँपालिकामा २२, मंगलसेन नगरपालिका ३ र चौरपाटी गाउँपालिकाका १९ र ढकारी गाउँपालिकाका १ जनाले कोरोना जित्न सफल भएका छन्।

अछाममा एक जना पुरुषको कोरोनाका कारण मृत्यु भएको छ । मृत्यु हुने रामारोशन गाउँपालिका रहेका छन् । स्वास्थ कार्यालय अछामका सुचना अधिकारी देव जोशीका अनुसार जिल्लाका दुई बयलपाटा अस्पताल, जिल्ला अस्पताल र स्थानीयतहका आईसोलेशनमा रहेका ४५ जना कोरोना निको भएर घर फर्किएका हुन् ।

अस्पतालमा आईसोलेशन बेड संख्या कम भएका कारणले संक्रमितहरुलाई स्थानीयतहले बनाएका क्वारेन्टाइनमै राख्ने गरिएको जोशीले बताए । अछाममा हालसम्म ३१३ जनामा कोरोना देखिएको छ । आज ३७ जनामा कोरोना पुष्टि भएसगै सक्रमितको सख्या ३१३ पुगेको हो ।

दुई जना वडा अध्यक्ष र एक जना स्वास्थकर्मीमा समेत कोरोना पुष्टि भएको छ । स्वाब संकलन र क्वारेन्टाइन व्यवस्थापनमा जुटेका स्वास्थकर्मी र वडाध्यक्षमा कोरोना देखिएको हो । स्वास्थ कार्यालय अछामका जिल्लाका दश वटा स्थानीयतह मध्ये सबै भन्दा बढी ८६ जना संक्रमित रामारोशन गाउँपालिकामा रहेका छन् ।

त्यसैगरी साँफेबगर नगरपालिकामा ८५,मेल्लेख गाउँपालिकामा ६२, मंगलसेन नगरपालिकामा ३३, चौरपाटी गाउँपालिकामा २५, कमलबजार नगरपालिकामा ६, पञ्चदेवल बिनायक नगरपालिकामा ६, तुर्माखाँद गाउँपालिकामा ५, बान्नीगढी जयगढ गाउँपालिकामा ४, र ढकारी गाउँपालिकामा १ जना संक्रमित रहेका छन् ।

जिल्लाका बिभिन्न क्वारेन्टाइनमा १ हजार ३ सय २ जना रहेका छन् । जिल्लाबाट हालसम्म २८ सय १३ जनाको पिसिआरका लागी स्वाब संकलन गरी पठाईएकोमा १५ सय ९६ जनाको रिर्पाेट आएको र त्यसमध्ये पनी ३ सय १३ जनाको रिर्पाेट पोजेटिभ आएको स्वास्थ कार्यालय अछामले जनाएको छ ।