काठमाडौं – पछिल्लो २४ घण्टामा देशभर ८५५ जनामा कोरोना भाइरसको संक्रमण पुष्टि भएको छ।

योसहित नेपालमा कुल संक्रमितको संख्या ३३ हजार ५३३ पुगेको छ। पछिल्लो २४ घण्टामा ११ हजार ३२७ पीसीआर नमुना परीक्षण गरिएको थियो।

आज देशभर सक्रिय संक्रमितको संख्या १४ हजार २५० छ। जसमध्ये संस्थागत आइसोलेसनमा ८ हजार ५८१ जना छन् भने ५ हजार ६६९ जना होम आइसोलेसनमा छन्।

आज ३१३ जना डिस्चार्ज भएका छन्। डिस्चार्ज हुनेको कुल संख्या १९ हजार ११९ पुगेको छ। यो कुल संक्रमितको ५७ प्रतिशत हो।

हाल देशभर १० हजार ४५३ जना क्वारेन्टिनमा छन्।