काठमाडौं– मुस्ताङ र हुम्लामा सक्रिय कोरोना संक्रमितको संख्या शून्यमा झरेको छ।

स्वास्थ्य तथा जनसंख्या मन्त्रालयका अनुसार सात जिल्लामा भने ५०० भन्दा बढी सक्रिय संक्रमित छन्।

मन्त्रालयका अनुसार काठमाडौं, रौतहट, महोत्तरी, सर्लाही, मोरङ, पर्सा र बारामा सक्रिय संक्रमितको संख्या ५०० भन्दा बढी छ।

सक्रिय संक्रमित धेरै भएको जिल्लामा स्थानीय प्रशासनले निषेधाज्ञा लगाएका छन्।

सरकारले कोरोनाको जोखिम कम गर्न सर्वसाधारणलाई घर बाहिर नहिँड्न आग्रह गरेको छ।

त्यस्तै बाहिर निस्कनुपर्ने काम भए अनिवार्य मास्क लगाउन, साबुन पानीले हात धुन र व्यक्तिगत दूरी कम्तिमा दुई मिटर कायम गर्न आह्वान गरेको छ।