काठमाडौं- स्वास्थ्य तथा जनसंख्या मन्त्रालयले लक्षण नभएका तथा सामान्य लक्षण भएका कोरोना संक्रमितलाई कोरोना परीक्षण नगरी १४ दिनमा घर पठाउन निर्देशन दिएको छ।

संक्रमित भएर अस्पताल भर्ना भएकाे १० दिनमा गरिएको परीक्षण रिपोर्ट पोजेटिभ आए पनि १४ दिनमा परीक्षण नगरी घर पठाउन मन्त्रालयले निर्देशन दिएको हो।

स्वास्थ्य तथा जनसंख्या मन्त्रालयको स्वास्थ्य आपतकालीन कार्यसञ्चालन केन्द्रले कोभिड–१९ को बिरामी व्यवस्थापनको समन्धमा सम्पूर्ण कोभिड अस्प्ताल तथा सामाजिक विकास मन्त्रालयलाई पत्राचार गर्दै सो कुरा अवगत गराएको हो।

साउन २९ गतेको पत्रअनुसार १० दिनमा पोजेटिभ आएको भए पनि १४ दिनमा भने पीसीआर परीक्षण नगरी नै पठाउनुपर्ने जनाएको छ।

मन्त्रालयका प्रवक्ता डा. जागेश्वर गौतमका आपतकालीन केन्द्रले १४ दिन भन्दा बढी राखेमा स्वास्थ्य तथा जनसंख्या मन्त्रालयले सोधभर्ना नगर्ने भनि पत्राचार गरेको छ।