अछाम । बयालपाटा अस्पतालका स्वास्थ्य सेवा निर्देशक डाक्टर विकास गौचन कोरोना संक्रमण मुक्त भएका छन् ।

उनको पछिल्लो पिसिआर परिक्षणमा रिपोर्ट नेगेटिभ आएपछि कोरोनामुक्त भएका हुन् ।

सेती प्रादेशिक प्रयोगशालामा शनिबार भएको परिक्षणका क्रममा उनको रिपोर्ट नेगेटिभ आएको हो ।

गएको कार्तिक ९ गते डाक्टर गौचनलाई कमलबजार पिसिआर परिक्षण प्रयोगशालामा भएको परिक्षणका क्रममा कोरोना भाईरस पोजेटिभ देखिएको थियो ।

आज उनले आफ्नो प्राप्त रिपोर्ट नेगेटिभ रहेको र आफु कोरोना संक्रमण मुक्त भएको सामाजिक संजाल मार्फत जानकारी गराएका छन्।