अछाम । क्यान्सर रोगबाट ग्रसित अछामको मंगलसेन नगरपालिका वडा नं. ७ की सुकी दमाईको उपचार लागि सहयोग रकम जुट्दै गएको छ ।

सुकीको उपचारका लागि वडा नं. ७ घर भई हाल अमेरिकामा रहेका युवा नरेन्द्र शाहीले १० हजार आर्थि सहयोग गरेका छन् । उनले सुकीको उपचारमा राहत होस भनेर सहयोग गरेको सुदुरआजलाई बताए ।

१ बर्ष देखि थला परेकी सुकीको बारेमा सुदूरआज अनलाईने पहिलो पटक उपचारको पर्खाईमा भन्दै समाचार प्रकाशित गरेपछि उनको उपचारका लागि यूवाहरुले सक्रियता देखाएका छन् ।

यसअघि सोही वडाका २ जना यूवाले समेत १० हजार सहयोग गरेका थिए । आर्थिक अभावमा उपचार गर्न सक्ने अवस्था आएपछि गाँउकै यूवाहरुले सहयोग अभियान सुरु गरेका हुन् ।