काठमाडौं । पछिल्लो २४ घण्टामा सबैभन्दा धेरै ३०–३९ वर्ष उमेर समूहमा कोरोना संक्रम देखिएको छ । यो उमेर समूहमा २ हजार १०३ जनामा संक्रमण पुष्टि भएको छ । 

दोस्रोमा २०–२९ वर्ष समूहका २ हजार ५१ जनामा संक्रमण पुष्टि भएको छ । सबैभन्दा कम ९०–१०० वर्ष उमेरका ९ जनामा संक्रमण देखिँदा ९ वर्षसम्मका २१३ बालबालिकामा कोरोना संक्रमण पुष्टि भएको छ । 

पछिल्लो २४ घण्टामा ८ हजार ६५९ जनामा कोरोना संक्रमण पुष्टि भएको छ । सोही अवधिमा ५८ जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।   

नेपालमा कुल कोरोना संक्रमितको संख्या ३ लाख ५९ हजार ६१० पुगेको छ । निको हुनेको संख्या २ लाख ८९ हजार ७८३ छ ।