काठमाण्डाै – गएको २४ घण्टामा नेपालमा दुई हजार ६ सय सात जनामा कोरोना भाइरसको सङ्क्रमण पुष्टि भएको छ ।

सात हजार सात सय ११ जनाको आरटी/पीसीआर परीक्षण गर्दा एक हजार सात सय ६८ जनामा चार हजार सात सय ७३ जनाको एन्टिजेन विधिमार्फत परीक्षण गर्दा आठ सय ३९ जनामा सङ्क्रमण पुष्टि भएकाे स्वास्थ्य तथा जनसङ्ख्या मन्त्रालयले जनाएकाे छ । 

योसहित नेपालमा आरटी–पीसीआर विधिबाट गरिएको परीक्षणमा ६ लाख १४ हजार नाै सय ८४ जना र एन्टिजेन विधिबाट गरिएको परीक्षणमा २४ हजार ५६ जनामा काेराेना सङ्क्रमण पुष्टि भएकाे छ ।

यस्तै यस अवधिमा दुई हजार एक सय ४१ जना कोरोना भाइरसकाे सङ्क्रमणबाट मुक्त भएका छन् । अब नेपालमा सङ्क्रमणमुक्त हुनेकाे सङ्ख्या पाँच लाख ४५ हजार ६ सय ६२ पुगेकाे छ । अहिले निको हुने दर ८८ दशमलव ६ प्रतिशत रहेको मन्त्रालयले जनाएकाे छ ।

यस्तै पछिल्लो २४ घण्टा र यसअघिको प्राप्त भएकाे विवरणसहित थप ३९ जनाकाे काेराेना सङ्क्रमणबाट ज्यान गएको छ । योसहित नेपालमा काेराेनाबाट ज्यान गुमाउनेको सङ्ख्या आठ हजार पाँच सय ९७ पुगेको छ ।